اپ ڈیٹس
  • 306.00 انڈے فی درجن
  • 595.00 گوشت مرغی
  • پولٹری
  • چینی یوآن قیمت خرید: 39.45 قیمت فروخت : 39.52
  • امریکن ڈالر قیمت خرید: 278.35 قیمت فروخت : 278.85
  • یورو قیمت خرید: 311.41 قیمت فروخت : 311.97
  • برطانوی پاؤنڈ قیمت خرید: 367.19 قیمت فروخت : 367.85
  • آسٹریلیا ڈالر قیمت خرید: 188.84 قیمت فروخت : 189.18
  • کینیڈا ڈالر قیمت خرید: 206.50 قیمت فروخت : 206.87
  • جاپانی ین قیمت خرید: 1.92 قیمت فروخت : 1.93
  • سعودی ریال قیمت خرید: 74.19 قیمت فروخت : 74.32
  • اماراتی درہم قیمت خرید: 76.31 قیمت فروخت : 76.45
  • کویتی دینار قیمت خرید: 911.31 قیمت فروخت : 912.95
  • کرنسی مارکیٹ
  • تولہ: 262700 دس گرام : 225200
  • 24 سونا قیراط
  • تولہ: 240807 دس گرام : 206432
  • 22 سونا قیراط
  • تولہ: 3116 دس گرام : 2674
  • چاندی تیزابی
  • صرافہ بازار
پنجاب گورنمنٹ

مزار اقبال کے قریب شاعر مشرق سے منسوب میوزیم بنانے کا فیصلہ

16 Dec 2023
16 Dec 2023

(لاہور نیوز) پنجاب حکومت نے مزار اقبال کے قریب شاعر مشرق سے منسوب تاریخی اشیاء کا میوزیم بنانے کا فیصلہ کیا ہے۔

وزیراعلیٰ محسن نقوی کی زیر صدارت اہم اجلاس ہوا جس میں  فیصلہ کیا گیا کہ اقبال فہمی کے فروغ کے لئے بادشاہی مسجد کے بیرونی احاطے میں علامہ اقبال سے منسوب میوزیم قائم کیا جائے گا، میوزیم میں شاعر مشرق سے منسوب اشیاء رکھی جائیں گی، مختلف مقامات پر موجودعلامہ اقبال کے زیر استعمال رہنے والی اشیاء ایک ہی جگہ ڈسپلے کی جائیں گی۔

نگران وزیراعلیٰ پنجاب نے شاعرمشرق سے منسوب  میوزیم کے قیام کیلئے فوری اقدامات کا حکم دے دیا۔

اس موقع پر گفتگو کرتے ہوئے نگران وزیراعلیٰ محسن نقوی کا کہنا تھا کہ شاعر مشرق سے منسوب میوزیم اقبال شناسی کا ذوق رکھنے والو ں کے لئے نعمت غیر مترقبہ ہے،نئی نسل میں اقبال فہمی کا شعور پیدا کرنا وقت کی ضرورت ہے۔

 محسن نقوی نے مزار اقبال کے بیرونی احاطے میں بہترین ٹائلیں لگانے کی ہدایت  کی اور مزار اقبال کے لئے اعلیٰ ترین ریڈ سینڈ سٹون اور سپر وائٹ ماربل مہیا کرنے کا حکم دیا جبکہ بادشاہی مسجد کے حجروں کواصل حالت میں بحال کرنے پر بھی اجلاس میں  اتفاق ہوا۔

سینئر ممبر بورڈ آف ریونیو نبیل جاوید نے میوزیم اور مزار اقبال کی اپ گریڈیشن کے بارے میں بریفنگ دیتے ہوئے بتایا کہ علامہ اقبال کے مزار کی دائیں جانب بک شاپ میں شاعر مشرق کی تمام کتابیں موجود ہوں گی، سوونیئر اورکرافٹ شاپس بھی قائم کی جائیں گی۔

بریفنگ میں بتایا گیا کہ علامہ اقبال کے مزار کے اندرونی ماربل کی واشنگ اورپالش کی جائے گی، مزار اقبال کی چھت کی خصوصی طورپر واٹر پروفنگ کی جائے گی، کینٹین اورشوریک وغیر ہ بھی مناسب جگہ پر منتقل کیے جائیں گے۔

اجلاس میں  نیئر علی دادا،منیب اقبال،اقبال صلاح الدین،سینئر ممبر بورڈ آف ریونیو،ڈی جی والڈ سٹی اتھارٹی،سیکرٹری اوقاف،اقبال اکیڈمی کے سربراہ اور دیگر متعلقہ حکام نے شرکت کی۔

Install our App

آپ کی اس خبر کے متعلق رائے