26 Oct 2023
(لاہور نیوز) لاہور ہائیکورٹ کے حکم پر دس برس بعد زمیندار کی قید سے ملازم اور فیملی کو بازیاب کروا لیا گیا۔
لاہور ہائیکورٹ کے حکم پر پاکپتن پولیس نے ملازم سخاوت اور فیملی کو بازیاب کراکے عدالت میں پیش کردیا۔ عدالت نے ملازم اور فیملی کے ارکان کو آزاد کرنے کا حکم دے دیا۔
جسٹس ملک شہزاد احمد خاں نے سخاوت کی درخواست پر سماعت کی ۔ درخواست گزار کی جانب سے ملک شعیب کھوکھر ایڈووکیٹ پیش ہوئے۔ وکیل نے عدالت میں موقف اختیار کیا کہ پاکپتن کے رہائشی جاوید نامی زمیندار نے دس برس سے ملازم سخاوت اور اسکی فیملی کو حبس بے جا میں رکھا ہوا ہے ،جبری مشقت کرائی جاتی ہے اور اجرت بھی نہیں دی گئی، استدعا ہے کہ ملازم اور فیملی کو بازیاب کروا کر آزاد کیا جائے۔