(ویب ڈیسک) پاکستان کرکٹ ٹیم کے سابق کپتان شعیب ملک کی سوشل بائیو سے اہلیہ ثانیہ مرزا کا حوالہ ہٹائے جانے پر ایک بار پھر دونوں کی علیحدگی کی خبریں گردش کررہی ہیں۔

پچھلے کچھ ماہ کے دوران شعیب اورر ثانیہ کی علیحدگی کے حوالے سے کئی افواہیں میڈیا پر گردش کرتی دکھائی دی ہیں تاہم تاحال سٹار جوڑی کی جانب سے ان افواہوں کی کوئی تردید یا تصدیق نہیں کی گئی بعد ازاں جوڑی کو ایک شو کی میزبانی کرتے بھی دیکھا گیا۔

تاہم اب شعیب ملک کی جانب سے انسٹاگرام بائیو میں ردو بدل نے ایک بار پھر سٹار جوڑی کی دوریوں کی خبروں کو ہوا دے دی ہے۔

قومی کرکٹر نے اپنی بائیو سے ثانیہ مرزا کو کیا گیا ٹیگ ’ہسبینڈ ٹو سپر ویمن ‘ ہٹادیا ہے، شعیب کی انسٹا بائیو میں اس ٹیگ کی جگہ اب Live Unbroken نے لے لی ہے ۔

’ Live Unbroken ‘ امریکی مصنفہ تریسیا مائلز کی ایک مشہور کتاب ہے جس کا موضوع طلاق کے بعد خود کو سنبھالنے اور ثابت قدم رہنے کے حوالے سے ہے۔

دوسری جانب شعیب کی بائیو میں پہلے ’ایتھلیٹ‘ درج تھا اب اس کی جگہ ’پرو ایتھلیٹ‘ نے لے لی ہے تاہم بیٹے کو نعمت قرار دیا جانا شعیب کی بائیو میں تاحال موجود ہے ۔

طلاق کی خبریں اور شعیب ملک کا ردعمل

واضح رہے کہ طلاق کی افواہوں پر ردعمل دیتے ہوئے شعیب ملک نے ایک ٹی وی شو میں کہا تھا کہ  'میں اس قسم کا آدمی ہی نہیں ہوں، آج آپ جواب دیں گے کل آپ کو تین جواب دینا پڑیں گے اور پرسوں چار، بات وہیں آجائےگی کہ اپنی زندگی کب جیئں گے؟'  انسان کا لائف سٹائل اور زندگی ایسی ہونی چاہیے کہ جو چیز آپ کو تنگ کررہی ہے، اس کا جلد از جلد حل سوچا جائے اور حل نکل آئے تو ٹھیک ہے ورنہ اگلے دن پر چلے جاؤ، میری یہ سوچ ہے'۔

سابق بھارتی ٹینس سٹار ثانیہ مرزا اور شعیب ملک اپریل 2010 میں رشتہ ازدواج میں منسلک ہوئے تھے اور ان کا ایک بیٹا اذہان بھی ہے۔

Subscribe Lahore News on YouTube

Install our App