10 Jul 2023
(ویب ڈیسک)ماہرین کی جانب سے بڑھاپے میں ذہنی قابلیت کو بہترین رکھنے کیلئے 2 عادات سے متعلق بتا دیا گیا۔
تفصیلات کے مطابق ماہرین نے اپنی تحقیق میں کہا ہے کہ باقاعدگی سے ورزش اور مناسب نیند بڑھاپے میں ذہنی قابلیت کو بہترین رکھتی ہے،ماہرین کی جانب سے کئے گئے تجربے کے مطابقجو لوگ زیادہ متحرک تھے یعنی باقاعدگی سے ورزش کرتے تھے لیکن اوسطاً 6 گھنٹے سے کم سوتے تھے، ان کی علمی (ذہنی) صلاحیت میں تیزی سے کمی آئی۔10 سال کے بعد ان کی ذہنی کارکردگی ان کے اُن کے ساتھی جو اپنی عمروں میں غیر متحرک رہے، کے برابر تھی۔
تحقیق کے مصنف اور یونیورسٹی کالج لندن (UCL) انسٹی ٹیوٹ آف ایپیڈیمولوجی اینڈ ہیلتھ کیئر کے ڈاکٹر میکائیلا بلومبرگ نے بتایا کہ ہمارا مطالعہ بتاتا ہے کہ جسمانی و ذہنی سرگرمیوں کے مکمل فوائد حاصل کرنے کے لیے ہمیں مناسب نیند لینے کی ضرورت ہوتی ہے۔ اس سے پتہ چلتا ہے کہ ذہنی صحت کے بارے میں سوچتے وقت نیند اور جسمانی سرگرمی کو ایک ساتھ سمجھنا کتنا ضروری ہے۔
ڈاکٹر بلومبرگ نے بتایا کہ یہ پتہ لگانے کے لیے کہ نیند اور جسمانی سرگرمیاں کس طرح اکٹھے ہو کر ذہنی افعال کو متاثر کر سکتے ہیں اور یہ ایک دوسرے سے کیسے منسلک ہیں، ہم نے تحقیق کی اور ہمیں حیرت ہوئی کہ محض باقاعدہ جسمانی سرگرمی طویل عرصے پر مبنی بہترین ذہنی صلاحیتوں کے لیے کافی نہیں ہو سکتی۔ اس کیلئے مناسب نیند انتہائی ضروری ہے۔
آپ کی اس خبر کے متعلق رائے
