13 Jun 2023
(ویب ڈیسک) قومی کرکٹ ٹیم کے کپتان بابر اعظم لنکا پریمیئر لیگ میں کولمبو سٹرائیکرز کی نمائندگی کرینگے۔
لنکا پریمیئر لیگ 31 جولائی سے 22 اگست تک سری لنکا میں کھیلی جائےگی، کھلاڑیوں کی آکشن 14 جون کو کولمبو میں ہوگی، لیگ میں ہر ٹیم 20 کھلاڑیوں پر مشتمل ہوگی جس میں 6 غیرملکی پلیئرز ہوسکتے ہیں۔
کولمبو سٹرائیکرز میں شامل بابر اعظم نے کہا کہ کسی بھی فرنچائز کرکٹ میں آکشن سب سے اہم ہوتی ہے، ٹیم کمبی نیشن کےحوالے سےمشاورت مکمل کر لی ہے۔
بابر اعظم کا کہنا تھا کہ لنکا پریمیئر لیگ میں مضبوط ٹیم بنانے کی کوشش کریں گے، نسیم شاہ بھی کولمبو سٹرائیکرز کا حصہ ہیں۔