(لاہور نیوز) کاؤنٹر ٹیررازم ڈیپارٹمنٹ (سی ٹی ڈی) پنجاب نے ڈی جی خان کے سرحدی گاؤں جوتر کے قریب کاروائی کے دوران 4 دہشت گرد مارے گئے۔
سی ٹی ڈی کو خفیہ اطلاع ملی تھی کہ جو تر گاؤں کے قریب فتنہ الخوارج کے 15 کے قریب دہشت گرد موجود ہیں جو پولیس اور دیگر اداروں پر حملے کی منصوبہ بندی مکمل کر چکے ہیں جس پرٹیموں نے کارروائی کی۔
ترجمان سی ٹی ڈی کا کہنا تھا کہ اس دوران دہشت گردوں نے فائرنگ کردی، سی ٹی ڈی اہلکاروں نے جوابی فائرنگ کی، فائرنگ کے تبادلے کے نتیجے میں 4 شرپسند مارے گئے، جب کہ 11 فرار ہونے میں کامیاب ہوگئے۔
اِسی طرح عسکریت پسندوں کے قبضے سے دھماکہ خیز مواد.رائفلیں، گولیاں اور دیگر اشیاء بھی برآمد کیا، دہشت گرد پولیس اور دیگر اداروں پر حملے کرنے والے تھے، مارے کے دہشت گروں کی شناخت کا عمل جاری ہے جبک ہ فرار ہونے والوں کی گرفتاری کے لیے سرچ آپریشن شروع کر دیا گیا۔
ترجمان نے مزید کہا کہ کاؤنٹر ٹیررازم ڈیپارٹمنٹ پنجاب تندہی سے محفوظ پنجاب کے اپنے ہدف پر عمل پیرا ہے اور دہشت گردی کی لعنت کو جڑ سے اکھاڑ پھینکنے کے لیے پرعزم ہے،شہریوں سے اپیل ہے کہ دہشت گردی سے متعلق کسی بھی قسم کی فوری اطلاع سی ٹی ڈی کو دیں۔
