شہرکی خبریں
خاران، فتنہ الہندوستان کے دہشتگردوں کیخلاف سیکیورٹی فورسز کی کارروائی، 12 ہلاک
16 Jan 2026
16 Jan 2026
(لاہور نیوز) بلوچستان کے علاقے خاران میں دہشت گردی کی کارروائیوں میں ملوث فتنہ الہندوستان کے دہشت گردوں کے خلاف سیکیورٹی فورسز کی کارروائی کے دوران تین مختلف جھڑپوں میں 12 دہشت گرد ہلاک ہو گئے۔
آئی ایس پی آر کے مطابق15 سے20 دہشت گردوں نے سٹی پولیس سٹیشن، نیشنل بنک اور حبیب بنک برانچز پر حملے کیے، بنکوں سے 34 لاکھ روپے کی لوٹ مار کی۔
سیکیورٹی فورسز نے موثر کارروائی کرتے ہوئے دہشت گردوں کا پیچھا کیا اور 3 مختلف جھڑپوں میں 12 دہشت گرد ہلاک کر دیا۔
فتنہ الہندوستان کےدہشت گردوں کی جانب سے پولیس اسٹیشن میں یرغمالی بنانے کی کوشش بھی ناکام بنائی گئی۔ آئی ایس پی آر کے مطابق بھارتی سپانسرڈ دہشت گردوں کے خلاف سینیٹائزیشن آپریشن جاری ہے۔
