03 Jan 2026
(لاہور نیوز) شہر میں پولٹری مصنوعات کے دام بدستور بلند ہیں اور برائلر کے نرخوں میں کوئی کمی نہیں ہو سکی۔
سرکاری نرخ نامے کے مطابق برائلر گوشت کی قیمت 584 روپے فی کلو مقرر کی گئی ہے، جبکہ صافی گوشت 650 روپے فی کلو تک فروخت ہو رہا ہے۔
زندہ برائلر کے فارم گیٹ ریٹ 375 روپے فی کلو، ہول سیل ریٹ 389 روپے فی کلو جبکہ پرچون بازار میں زندہ برائلر 403 روپے فی کلو میں فروخت ہو رہا ہے۔
دوسری جانب انڈوں کی قیمتوں میں بھی کمی نہ ہو سکی، انڈوں کی فی درجن قیمت 331 روپے مقرر کی گئی ہے، جبکہ ہول سیل مارکیٹ میں انڈوں کی ایک پیٹی 9 ہزار 810 روپے میں فروخت ہو رہی ہے۔
