02 Jan 2026
(لاہور نیوز) لاہور کے علاقے علامہ اقبال ٹاؤن میں کوڑے دان سے ایک نوزائیدہ بچے کی لاش برآمد ہوئی ہے۔
ریسکیو 1122 کے مطابق گزشتہ رات ریسکیو کمانڈ اینڈ کنٹرول سینٹر کو علامہ اقبال ٹاؤن سے نو مولود بچے کی موجودگی کی اطلاع موصول ہوئی، جس پر ریسکیو ٹیم فوری طور پر موقع پر پہنچ گئی۔
ریسکیو اہلکاروں نے نوزائیدہ بچے کی لاش کو کوڑے دان سے تحویل میں لے کر جناح ہسپتال منتقل کر دیا، ابتدائی معلومات کے مطابق بچہ رضا بلا، علامہ اقبال ٹاؤن کے علاقے سے برآمد ہوا۔
پولیس نے واقعے کا نوٹس لیتے ہوئے شواہد اکٹھے کر لئے ہیں جبکہ مزید قانونی کارروائی اور تحقیقات جاری ہیں۔
