19 Dec 2025
(ویب ڈیسک) سرکاری سکولوں میں تعینات سکیورٹی گارڈز کے کنٹریکٹ ختم کرنے کے معاملے پر اہم پیش رفت سامنے آئی ہے۔
ڈی پی آئی ایلیمنٹری پنجاب نے سال 2015-16 میں بھرتی کئے گئے تمام سکول گارڈز کی تفصیلات طلب کر لی ہیں۔
جاری مراسلے کے مطابق تمام اضلاع کے سی ای اوز کو 24 گھنٹوں میں مکمل ریکارڈ فراہم کرنے کی ہدایت کی گئی ہے، سکول گارڈز کا ڈیٹا واٹس ایپ گروپس کے ذریعے فوری ارسال کرنے کا حکم دیا گیا ہے، جبکہ ڈویژنل ڈائریکٹرز کو بھی اضلاع سے معلومات اکٹھی کر کے بروقت فراہم کرنے کی ہدایت دی گئی ہے۔
ذرائع کے مطابق یہ اقدام سکول گارڈز کے کنٹریکٹ سے متعلق آئندہ فیصلوں کی تیاری کا حصہ ہے۔
