(لاہور نیوز) وزیراعلیٰ پنجاب مریم نواز شریف نے کہا ہے کہ نواز شریف آئی ٹی سٹی سائنس وٹیکنالوجی کی انقلاب آفریں نوید ہے۔

وزیراعلیٰ پنجاب مریم نوازشریف نے امن اور ترقی کے لئے سائنس کے عالمی دن پر اپنے پیغام میں کہا ہے کہ عوام کی خوشحالی امن وسکون اور پائیدار مستقبل کے لئے سائنس ہی راستہ بناتی ہے-

مریم نوازنے کہا کہ یہ دن روزمرہ زندگی اورامن وسکون کے لئے سائنس کی اہمیت کا عوامی شعور بیدار کرنے کے لئے منایا جاتاہے، نوجوان نسل کو امن اور ترقی کے لئے سائنس میں پیش قدمی اور ریسرچ سے آگاہ رہنا ہوگا۔

انہوں نے کہا کہ حکومت پنجاب نوجوان نسل خاص طورپر طلبہ کوسائنسی ریسرچ سے استفادہ کرنے کی ترغیب پر عمل پیرا ہے، انفارمیشن ٹیکنالوجی،انجینئر نگ اور سائنسی علوم کے مواقع فراہم کرنا ترجیحات میں اولین ہے۔

وزیراعلیٰ نے کہا کہ  نواز شریف کینسر انسٹی ٹیوٹ اینڈ ریسرچ سنٹر اور مریم نواز آٹزم سکول اینڈ ریسرچ سنٹر میں سائنٹیفک ریسرچ کو فروغ ملے گا ، نواز شریف میڈیکل سٹی میں میڈیکل سائنس ریسرچ پر خصوصی توجہ دی جائے گی ۔

مریم نواز نے کہا کہ پنجاب میں پہلی مرتبہ سرکاری سکولوں میں منفرد سائنس اینڈ ٹیکنالوجی شو منعقد کیا گیا،  STEAM کے طلبہ نے امن ،ترقی اورسائنٹیفک اپروچ کے فروغ کیلئے جدید ترین ماڈل پیش کیے،    راجن پور کے ایک طالب علم نے وائی فائی سے 100 گنا تیز لائی فائی کا ماڈل پیش کرکے حیران کر دیا۔

وزیراعلیٰ نے کہا کہ سائنس اور ٹیکنالوجی میں پیشرفت امن و سلامتی کی بحالی کے لئے ناگزیر ہے، ترقی اور امن کا راز سائنس اور ٹیکنالوجی میں پنہاں ہے، حکومت پنجاب تعلیم، صحت اور زراعت سمیت ہر شعبے کو جدید سائنسی خطوط اور ڈیجیٹل بنانے کی راہ پر گامز ن ہے۔

انہوں نے نوجوانوں کو دعوت دیتے ہوئے کہا کہ ٹیکنالوجی اور سائنسی علوم میں اپنی بھرپور صلاحیتو ں کا مظا ہرہ کریں، حکومت بھرپور ساتھ دے گی ، پنجاب آئی ٹی اور سلیکون کے انقلابی دور میں داخل ہورہا ہے ۔

Follow Lahore News on X

Install our App