شہرکی خبریں
وزیراعلیٰ پنجاب نے موبائل پولیس اسٹیشن اینڈ لائسنسنگ یونٹ پراجیکٹ کا افتتاح کر دیا
21 Oct 2025
21 Oct 2025
(لاہور نیوز) وزیراعلیٰ پنجاب مریم نواز شریف نے موبائل پولیس اسٹیشن اینڈ لائسنسنگ یونٹ پراجیکٹ کا باقاعدہ افتتاح کر دیا۔
اس موقع پر وزیراعلیٰ مریم نواز شریف نے پنجاب کی پہلی موبائل پولیس اسٹیشن اینڈ لائسنسنگ یونٹ کا معائنہ کیا، اس یونٹ میں پہلی مرتبہ ایف آئی آر کے اندراج کی سہولت بھی میسر ہو گی، ڈرائیونگ لائنس کے اجراء اور ری نیو کروانے کی سہولت بھی میسر ہو گی۔
وزیراعلیٰ مریم نواز شریف نے موبائل پولیس اسٹیشن اینڈ لائسنسنگ یونٹ کی چابیاں متعلقہ افسران کے سپرد کیں۔
اس دوران وزیراعلیٰ مریم نواز شریف نے موبائل پولیس اسٹیشن اور لائسنسنگ یونٹ کے سٹاف سے بات چیت کی اور ورکنگ کے بارے میں دریافت کیا، وزیراعلیٰ نے موبائل پولیس اسٹیشن سٹاف کو عوام کے ساتھ ہمدردانہ رویہ اپنانے کی ہدایت کی۔
