(ویب ڈیسک) پنجاب بھر کے تمام سرکاری و نجی سکولوں کے لیے موسمِ سرما کے نئے اوقاتِ کار کا اعلان کر دیا ہے۔

 یہ اوقات 16 اکتوبر 2025 سے 31 مارچ 2026 تک نافذ العمل ہوں گے۔

نئے اوقات کار کے تحت لڑکوں کےسنگل شفٹ والے سکول صبح 8:45 بجے سے دوپہر 2:45 بجے تک کھلے رہیں گے (پیر سے جمعرات تک)، جمعہ کے روز کلاسز دوپہر 12:30 بجے ختم ہوں گی۔

لڑکیوں کے سنگل شفٹ والے لڑکیوں کے سکول  صبح 8:30 بجے سے دوپہر 2:30 بجے تک (پیر سے جمعرات تک)، جمعہ کے دن سکول 12:15 بجے بند ہو جائیں گے۔

ڈبل شفٹ لڑکوں کے سکول کی پہلی شفٹ  8:45 سے دوپہر 12:45 تک ہوگی (پیر تا جمعرات)، جمعہ کو 12:30 بجے تک۔

دوپہر/شام کی شفٹ 1:00 دوپہر سے 5:00 شام (پیر تا جمعرات) جبکہ جمعہ کو 2:00 بجے سے 5:00 بجے تک ہوگی۔

لڑکیوں کے سکول کی صبح کی شفٹ 8:30 صبح سے 12:30 دوپہر (پیر تا جمعرات)، جمعہ کو 12:15 بجے تک ہوگی جبکہ دوپہر  کی شفٹ 12:45 سے 4:45 شام (پیر تا جمعرات) اور جمعہ کو 1:45 بجے سے 4:45 شام تک ہوگی۔

یہ اوقات سردیوں کے موسم کو مدنظر رکھتے ہوئے طے کیے گئے ہیں تاکہ بچوں کو موسم کی شدت سے محفوظ رکھا جا سکے۔

وزیر تعلیم کی سکولوں کے نئے اوقات کار سے متعلق وضاحت

دوسری جانب سکولوں میں موسم سرما کے اوقات کار کے نفاذ سے متعلق چلنے والی خبروں کے حوالے سے صوبائی وزیر تعلیم رانا سکندر حیات نے وضاحت کی ہے۔

صوبائی وزیر تعلیم رانا سکندر حیات کے مطابق محکمہ سکول ایجوکیشن نے کوئی نیا نوٹیفکیشن جاری نہیں کیا،نئے اوقات کار کے حوالے سے تمام نوٹیفکیشن جعلی ہیں۔

وزیر تعلیم نے واضح کیا کہ نئے اوقات کار کے حوالے سے نوٹیفکیشن آج جاری کیا جائے گا۔

Follow Lahore News on Facebook

Install our App