30 Sep 2025
(لاہور نیوز) سپریم کورٹ بار کے سالانہ انتخابات 16 اکتوبر کو ہوں گے، آج امیدواروں کی عارضی فہرست جاری کی جائے گی۔
بار الیکشن کے لئے اپیلیں دائر کرنے کی آخری تاریخ یکم اکتوبر مقرر کی گئی ہے، 3 اکتوبر تک ان اپیلوں پر فیصلے سنائے جائیں گے۔
امیدواروں کو 4 اکتوبر دوپہر 2 بجے تک اپنی نامزدگی واپس لینے کی اجازت ہو گی اور اسی روز سہ پہر 3 بج کر 30 منٹ پر امیدواروں کی حتمی فہرست جاری کی جائے گی۔
ملک بھر سے مجموعی طور پر 4379 وکلاء ووٹ کاسٹ کرنے کے اہل قرار دیئے گئے ہیں، لاہور سے 1460، ملتان 315، بہاولپور 145، راولپنڈی 805، خیبرپختونخوا 593، سندھ 741 اور بلوچستان سے 322 وکلاء شامل ہیں۔
