(ویب ڈیسک) پاکستان کی نامور اداکارہ ہانیہ عامر کو حال ہی میں گلوکار عاصم اظہر کے کانسرٹ میں دیکھا گیا جس کے بعد سوشل میڈیا پر چہ مگوئیاں شروع ہوگئیں۔

پاکستانی شوبز انڈسٹری کے معروف چہرے ہانیہ عامر اور عاصم اظہر اب ایک بار پھر خبروں کی زینت بن گئے ہیں اور اس کی وجہ ہانیہ کا عاصم کے کانسرٹ میں نظر آنا ہے۔

ادکارہ نے ناصرف کانسرٹ میں شرکت کی بلکہ انہیں سامنے آنے والی ویڈیوز میں کافی محظوظ ہوتے دیکھا گیا۔

یاد رہے کہ دونوں سٹارز ماضی میں پاکستان کی سب سے پسندیدہ شوبز جوڑی سمجھے جاتے تھے اوران دونوں کا رشتہ 2018 سے 2019 تک شہ سرخیوں میں رہا۔

بعدازاں 2020 میں ہانیہ عامر نے کہا کہ وہ اور عاصم صرف اچھے دوست ہیں، اس کے بعد عاصم اظہر نے انفلوئنسراور اداکارہ میرب علی سے منگنی کرلی، ان دونوں کا رشتہ بھی علیحدگی پر ختم ہوا جس کا اعلان کچھ ماہ قبل کیا گیا۔

چند روز قبل سوشل میڈیا پر یہ قیاس آرائیاں شروع ہوئیں کہ شاید ہانیہ اور عاصم ایک مرتبہ پھر قریب آ رہے ہیں۔

مگر اس وقت تک ان کی کوئی مشترکہ تصویر سامنے نہیں آئی تھی، یہ افواہیں اس وقت زور پکڑگئیں جب ہانیہ عامر اور عاصم اظہر کو ریوائیو لانچ پارٹی میں ایک ساتھ دیکھا گیا۔

ہانیہ عامر سفید لباس اور چشمہ پہنے اپنی قریبی دوست یشما گل کے ہمراہ عاصم اظہر کے گانے پر جھومتی نظر آئیں، عاصم نے اپنا وائرل ہٹ گانا ’ترستی ہیں نگاہیں‘ گایا جس پر ہانیہ نے خوب انجوائے کیا۔

اس موقع کی تصاویر اور ویڈیوز سوشل میڈیا پر وائرل ہوگئیں جہاں مداحوں کی جانب سے دلچسپ اور حیران کن تبصرے کیے جارہے ہیں۔

ایک صارف نے لکھا، ’اب وہ کانسرٹ بھی انجوائے نہیں کر سکتیں؟ رشتہ ختم ہو چکا مگر دوستی باقی ہے، اتنی ہائپ بنانے کی ضرورت نہیں‘۔

دوسرے صارف نے طنزیہ انداز میں کہا، ’اب ہمیں ایکس اور نیکسٹ کا پورا ڈرامہ دیکھنا پڑے گا‘۔

Subscribe Lahore News on YouTube

Install our App