(ویب ڈیسک) محکمہ داخلہ پنجاب نے صوبے بھر میں جیل افسران و اہلکاروں کی یونیفارم کو یکساں کرنے کا فیصلہ کرلیا۔
محکمہ داخلہ پنجاب کے جاری کردہ مراسلے کے مطابق آئی جی جیل خانہ جات کو ہدایت کی گئی ہے کہ یونیفارم کے حوالے سے رنگین کتابچہ تیار کرکے عملدرآمد کے لیے تمام جیلوں اور افسران کو بھجوائیں۔
جیل اہلکار کی شرٹ گرے بلیکش،دو فرنٹ پاکٹ اور سردیوں میں فل بازو گرمیوں میں ہاف بازو ہوگئی جبکہ خاکی پینٹ ہوگی۔ یکم اپریل سے 30 ستمبر تک گول اور کریو نیک گریش بلیک ٹی شرٹ فل بازو و ہاف بازو اور خاکی پینٹ ہوگی۔
جاری کردہ مراسلہ میں کہا گیا ہے کہ ڈپٹی سپرنٹنڈنٹ اور اس سے اوپر عہدے کے افسران کی یونیفارم بوش کوٹ اور جیکٹ ہوگی۔ خواتین افسران کی یونیفارم شرٹ فراک و قمیض ہوگی جبکہ ساتھ شلوار خاکی رنگ کی ہوگی۔اس حوالے سے آئی جی جیل خانہ جات نے بھی کلرڈ کاپی کروا کے تمام جیلوں میں بھجوا دی ہے۔
