
(لاہور نیوز) کئی روز کے تسلسل کے بعد برائلر گوشت کی قیمت میں معمولی کمی دیکھنے میں آئی ہے۔
برائلر گوشت 11 روپے کمی کے بعد 584 روپے فی کلو میں دستیاب ہے، جبکہ زندہ برائلر کی قیمت میں بھی 8 روپے کی کمی ہوئی ہے۔
ہول سیل مارکیٹ میں زندہ مرغی کا ریٹ 389 روپے جبکہ پرچون سطح پر 403 روپے فی کلو مقرر کیا گیا ہے۔
دوسری جانب انڈوں کی قیمتوں میں روزانہ کی بنیاد پر اضافہ جاری ہے، آج ایک روپے کے اضافے کے بعد درجن انڈے 262 روپے میں فروخت ہو رہے ہیں، جبکہ ایک پیٹی کی قیمت 7 ہزار 740 روپے تک پہنچ چکی ہے۔
سبزی اور پھل خریدنا بھی عوام کیلئے عیاشی بنتا جا رہا ہے، لاہور سمیت دیگر شہروں میں ٹماٹر 160 روپے، لہسن 350، ادرک 550 اور سبز مرچ 200 روپے فی کلو میں فروخت ہو رہی ہے۔ لیموں 380، کریلے 240، گوبھی اور بھنڈی 220، جبکہ اروی 200 روپے کلو تک پہنچ چکی ہے۔
پھلوں کی قیمتیں بھی آسمان کو چھو رہی ہیں، کیلا 250 روپے درجن، سیب 650 روپے کلو، پپیتا 500، ناشپاتی 400، جبکہ آڑو اور خوبانی 380 روپے کلو میں فروخت ہو رہے ہیں، سندھڑی آم کی قیمت 320 اور گرما 200 روپے فی کلو مقرر ہے۔