17 Jul 2025
(لاہور نیوز) پنجاب اسمبلی میں خواتین کے ساتھ ہراسانی کا انکشاف ہوا ہے۔
تاریخ میں پہلی بار حکومت کی خاتون رکن کی جانب سے اپوزیشن کے چار اراکین کے خلاف ورک پلیس ہراسمنٹ کی درخواست دے دی گئی ہے۔
حکومتی رکن راحیلہ خادم حسین نے سپیکر پنجاب اسمبلی کو تحریری درخواست جمع کرا دی جس میں کہا گیا ہے کہ ایوان میں خواتین کے بارے میں فحش الفاظ اور اشارے کیے گئے جو ناقابل قبول ہیں۔
راحیلہ خادم نے کہا کہ معاملہ برداشت سے باہر ہوگیا تھا، اپوزیشن کے خلاف دو درخواستیں جمع کرائی ہیں۔
دوسری جانب وزیر پارلیمانی امور مجتبی شجاع الرحمان کی ہراسمنٹ کی درخواستیں موصول ہونے کی تصدیق کرتے ہوئے کہا کہ ہراسانی کی درخواستیں ابھی پینڈنگ ہیں، سپیکر ملک سے باہر ہیں وہ آئیں گے تو اس پر بھی بات ہو گی۔
