(ویب ڈیسک) بلوچستان کے ضلع ژوب میں کالعدم بلوچ لبریشن آرمی کی دہشت گردی کا نشانہ بننے والے 9 پنجابی مسافر سپرد خاک کر دیے گئے۔
واضح رہے کہ بلوچستان میں دہشت گردوں نے بسوں سے اتار کر پنجاب سے تعلق رکھنے والے نو شہریوں کو بے دردی سے قتل کر دیا تھا، شہداء میں دنیاپور کے دو سگے بھائی عثمان اور جابر، گجرات کا 23 سالہ بلاول، فیصل آباد کا شیخ ماجد، لاہور کا جنید، مظفرگڑھ کا محمد آصف، ڈی جی خان کا محمد عرفان، خانیوال کا غلام سعید اور گوجرانوالہ کا صابر شامل ہیں۔
شہداء کی میتیں سخت سکیورٹی میں ان کے آبائی علاقوں کو منتقل کی گئیں، جہاں انہیں لواحقین کے حوالے کیا گیا، دنیاپور میں جب دو بھائیوں عثمان اور جابر کے جنازے ایک ساتھ اٹھے تو علاقے میں کہرام مچ گیا، نماز جنازہ میں اہل علاقہ کی بڑی تعداد نے شرکت کی اور دونوں بھائیوں کو چوک قریشی میں سپرد خاک کیا گیا۔
فیصل آباد کے رہائشی شیخ ماجد، جو لورالائی میں کپڑے کے کاروبار سے وابستہ تھے، ان کو مقامی قبرستان میں دفنایا گیا، ان کے سوگواران میں بیوہ، والدہ اور تین بہن بھائی شامل ہیں، گجرات کے نوجوان بلاول کو بھی آبائی علاقے میں سپرد خاک کر دیا گیا، وہ دبئی سے حال ہی میں وطن واپس آیا تھا اور دوستوں سے ملنے کوئٹہ گیا ہوا تھا۔
لاہور کے جنید کوئٹہ میں اپنے سسرال سے واپس آرہے تھے، اسی بس میں سوار تھے جسے دہشت گردوں نے نشانہ بنایا، انہیں بھی لاہور میں سپرد خاک کر دیا گیا، جنید کی شہادت نے اہل علاقہ کو غم سے نڈھال کر دیا جنہوں نے حکومت سے فوری انصاف کا مطالبہ کیا۔
یاد رہے کہ اس سے قبل اپریل 2024 میں بھی ضلع نوشکی میں ایسا ہی واقعہ پیش آیا تھا، جب پنجاب سے تعلق رکھنے والے نو مسافروں کو قتل کر دیا گیا تھا۔
ژوب میں 9 مسافروں کے قتل کا مقدمہ درج
بلوچستان کے ضلع ژوب میں 9 مسافروں کے قتل کا مقدمہ تھانہ سی ٹی ڈی ژوب میں درج کرلیا گیا، ایس ایچ او تھانا لیویز کی مدعیت میں درج مقدمے میں قتل اور انسداد دہشت گردی کی دفعات شامل ہیں۔
دوسری جانب وزیراعلیٰ بلوچستان کی زیرصدارت امن وامان سے متعلق اجلاس ہوا جس میں آئی جی پولیس معظم جاہ انصاری نے اجلاس کو ڈب سرہ ڈاکئی واقعہ پر تفصیلی بریفنگ دی۔
وزیر اعلیٰ بلوچستان سرفراز بگٹی نے واقعے میں ملوث دہشت گردوں کو منطقی انجام تک پہنچانےکی ہدایت کی، سرفراز بگٹی کا کہنا تھا کہ بلوچستان میں معصوم جانوں کے قاتل کسی رعایت کے مستحق نہیں، دہشت گردوں کو ہر حال میں کیفر کردار تک پہنچایا جائے گا اور ان کا آخری حد تک تعاقب کیا جائے گا۔
وزیراعلیٰ نے حکم دیا کہ لیویز اور پولیس کی حدود سے بالاتر ہو کر کارروائی کی جائے، دہشت گردوں کےخلاف بلاتاخیر اور فیصلہ کن ایکشن لیاجائےگا۔
سرفرازبگٹی نے کہا کہ امن دشمن عناصرکےساتھ سختی سے نمٹا جائے گا، بلوچستان میں قانون کی عملداری پرکوئی سمجھوتا نہیں ہوگا۔
آپ کی اس خبر کے متعلق رائے
آج کا موسم
| پھلوں کے ریٹس | |
|---|---|
| کھجور | 190 |
| کھجور | 270 |
| امرود | 75 |
| پپیتا | 220 |
| انگور | 155 |
| چیکو | 160 |
| کیلا | 110 |
| سیب کالا کلو پہاڑی | 245 |
| سبزیوں کے ریٹس | |
|---|---|
| گھیا کدو | 55 |
| حلوہ کدو | 91 |
| مونگرے | 95 |
| اروی | 100 |
| شلجم | 32 |
| دھنیا | 40 |
| آلو | 35 |
| مولی | 25 |
| مٹر | 110 |
| لیموں چائنہ | 70 |
| سبز مرچ | 120 |
| شملہ مرچ | 335 |
| پھول گوبھی | 35 |
| بند گوبھی | 21 |
| میتھی | 80 |
| بینگن | 80 |
| پالک | 40 |
| کریلے | 260 |
| کھیرا | 60 |
| ادرک | 500 |
| لہسن | 440 |
| ٹماٹر | 240 |
| پیاز | 220 |
| پولٹری مصنوعات | |
|---|---|
| انڈے فی درجن | 305 روپے |
| زندہ مرغی | 353 روپے |
| گوشت مرغی | 511 روپے |
| کرنسی مارکیٹ | ||
|---|---|---|
| کرنسی | قیمتِ خرید | قیمتِ فروخت |
| چینی یوآن | 39.94 | 40.01 |
| امریکن ڈالر | 281.35 | 281.85 |
| یورو | 330.04 | 330.63 |
| برطانوی پاؤنڈ | 378.71 | 379.39 |
| آسٹریلیا ڈالر | 185.53 | 185.86 |
| کینیڈا ڈالر | 203.93 | 204.29 |
| جاپانی ین | 1.90 | 1.90 |
| سعودی ریال | 75.02 | 75.15 |
| اماراتی درہم | 76.13 | 76.27 |
| کویتی دینار | 923.06 | 924.70 |
| صرافہ بازار | ||
|---|---|---|
| سونا | تولہ | دس گرام |
| 24 قیراط | 390,200.00 | 334,500.00 |
| 22 قیراط | 357,681.00 | 306,623.00 |
| چاندی تیزابی | 4,562.00 | 3,916.00 |