20 Jun 2025
(لاہور نیوز) 24 گھنٹوں کے دوران مختلف علاقوں میں 222 ٹریفک حادثات کے نتیجہ میں 250 سے زائد افراد زخمی ہو گئے۔
ریسکیو حکام کے مطابق ٹریفک حادثات کی زد میں آ کر مجموعی طور پر 280 افراد زخمی ہوئے جن میں سے 110 شدید زخمیوں کو طبی امداد کیلئے فوری مقامی ہسپتالوں میں منتقل کیا گیا۔
اسی طرح 170 معمولی زخمیوں کو موقع پر طبی امداد فراہم کرنے کے بعد روانہ کر دیا گیا، ریسکیو حکام کا کہنا ہے کہ حادثات ٹریفک قوانین کی خلاف ورزی کے باعث پیش آئے لہذا عوام الناس کو چاہیے کہ وہ اپنی اور دوسروں کی زندگی کے بچاؤ کیلئے ٹریفک قوانین پر عمل درآمد کو یقینی بنائیں۔
