06 May 2025
(لاہور نیوز) وزیر دفاع خواجہ آصف علی نے کہا ہے کہ اگر پانی روکنے کیلئے کوئی سٹرکچر تعمیر کیا گیا تو پاکستان بلا تردد اسے تباہ کر دے گا۔
اسلام آباد میں گفتگو کرتے ہوئے وزیر دفاع خواجہ آصف نے عوام کو آغاہ کیا کہ بھارت کے ساتھ تصادم ناگزیر ہو گیا ہے، تصادم کسی بھی وقت ہو سکتا ہے، وزیر دفاع خواجہ آصف نے بتایا کہ بریفنگ میں بتایا گیا ہے کہ بھارت کی طرف سے جارحیت متوقع ہے۔
خواجہ آصف نے واضح کیا کہ ہماری سرزمین کے کسی بھی ٹکڑے پر قبضے کی حکمت عملی بھارت کو بہت مہنگی پڑے گی، بھارتی حکمرانوں نے پاکستان کا پانی روکنے کی کوشش کی تو وہ اسی میں ڈوب کر مارے جائیں گے، بھارت نے پانی روکنے کیلئے تعمیرات کیں تو ہم انہیں تباہ کر دیں گے۔
