(لاہور نیوز) شہر میں خودکشی سمیت مختلف واقعات میں 4افراد جان کی بازی ہار گئے۔
ایدھی ترجمان کے مطابق برکی کے قریب چوکی پھلروان پیراگون سٹی میں 40 سالہ شخص نے نامعلوم وجوہات کی بنا پر خود کو گولی مار کر زندگی کا خاتمہ کر لیا، متوفی کی شناخت امداد حسین کے نام سے ہوئی۔
باٹا پور کے ٹیرا پل کے قریب 25 سالہ شخص کی پھندا لگی لاش برآمد ہوئی، نعش درخت سے لٹکتی ہوئی تھی تاہم تاحال اسکی شناخت نہ ہو سکی، نشتر کالونی کے قریب روہی نالہ سے 32 سالہ شخص کی لاش ملی ہے، تاحال اسکی بھی شناخت ممکن نہیں ہو سکی متوفی بظاہر نشے کا عادی معلوم ہوتا ہے۔
سندر کے علاقہ بحریہ ٹاؤن کینال روڈ کے قریب 50 سالہ شخص گھر میں مردہ حالت میں ملا، متوفی کی شناخت عامر کے نام سے ہوئی، نعش 5 روز پرانی معلوم ہوتی ہے، پولیس کا کہنا ہے کہ تحقیقاتی اداروں نے تمام شواہد جمع کر کے کارروائی کا آغاز کر دیا ہے جبکہ پرانا کاہنہ میں گندم میں رکھنے والی گولیاں کھا کر 22 سالہ نوجوان آفتاب نے خودکشی کر لی۔
