(ویب ڈیسک) پاکستان سے غیر قانونی افغان باشندوں کا انخلاء جاری ہے، مزید 5 ہزار سے زائد غیر قانونی افغانیوں کو وطن واپس روانہ کیا گیا۔
پاکستان میں مقیم غیر قانونی افراد اور افغان سٹیزن کارڈ ہولڈرز کا پاکستان چھوڑنے کی ڈیڈلائن ختم ہونے کے بعد انخلا کا عمل جاری ہے، سرکاری اطلاعات کے مطابق مزید 5 ہزار سے زائد غیر قانونی افغان باشندوں کو وطن واپس روانہ کیا گیا۔
حکام کے مطابق اب تک مجموعی طور پر پاکستان چھوڑنے والے غیر قانونی افغان باشندوں کی تعداد 971,969 تک پہنچ چکی ہے، غیر قانونی غیر ملکیوں کے خلاف سخت قانونی کارروائی عمل میں لائی جا رہی ہے۔
حکومت پاکستان کی جانب سے غیر قانونی، غیر ملکی اور افغان سٹیزن کارڈ ہولڈرز کی باعزت وطن واپسی کو یقینی بنایا جا رہا ہے، جبکہ اس بات کا خیال رکھا جا رہا ہے کہ انخلا کے دوران کسی سے بدسلوکی نہیں کی جائے گی، واپس جانے والوں کے لئے خوراک اور صحت کی بہترین سہولیات فراہم کی گئی ہیں۔
