
12 Mar 2025
(حمزہ گیلانی) انٹرنیشنل ریٹنگ ایجنسی موڈیز نے پاکستانی بینکنگ سیکٹر کے آؤٹ لک کو مثبت قرار دیدیا۔
موڈیز کا کہنا ہے کہ مثبت آؤٹ لک اس بات کی نشاندہی کرتا ہے کہ معیشت میں کچھ استحکام آیا ہے، پاکستانی بینکوں کی کارکردگی ماضی کے مقابلے میں بہتر رہی۔
انٹرنیشنل ریٹنگ ایجنسی موڈیز کے مطابق رپورٹ قرضوں کی پائیداری اور بیرونی مالی ادائیگیاں اب بھی بڑے معاشی چیلنجز ہیں۔
موڈیز کا مزید کہنا تھا کہ رواں مالی سال پاکستانی معاشی نمو 3 فیصد رہنے کی توقع ہے، گزشتہ مالی سال پاکستانی معاشی نمو 2.50 فیصد رہی تھی، پاکستانی معیشت سست مگر بحالی کی راہ پر گامزن ہے۔