(لاہور نیوز) لاہوریوں کو بہترین سفری سہولت کی فراہمی کیلئے ٹرانسپورٹ ڈیپارٹمنٹ ان ایکشن، پاکستان کی تاریخ کی پہلی مکمل انڈر گراؤنڈ بلیولائن میٹروٹرین سروس شروع کرنے کا فیصلہ کر لیا گیا۔

پنجاب ٹرانسپورٹ نے بلیولائن میٹروٹرین پراجیکٹ کی فزیبلٹی اورڈیزائن پرورکنگ کا آغاز کر دیا،وزیراعلیٰ  نے وزیرٹرانسپورٹ کوجلد فزیبلٹی اینڈ ڈیزائن کی ورکنگ مکمل کرنے کی ہدایت کر دی۔

فزیبلٹی اینڈ ڈیزائن کی رپورٹ مکمل ہونے کے بعد تخمینہ بھی واضح ہوجائے گا۔ بلیو لائن ٹرین پراجیکٹ کا روٹ 27 کلومیٹر پر مشتمل ہوگا،پراجیکٹ کیلئےآئندہ 3سال کا ہدف مقرر کیا گیا ہے۔ بلیولائن میٹرو ٹرین ویلنشیا ٹاؤن سے شروع ہوگی ،بابو صابو چوک پہنچ اختتام پذیر ہوگی۔

جوہر ٹاؤن، فیصل ٹاؤن، گارڈن ٹاؤن، کلمہ چوک، گلبرگ مین بلیوارڈ تک جائےگی،جیل روڈ، فیروزپور روڈ،وحدت روڈ اور علامہ اقبال ٹاؤن سے ہوتی ہوئی بابوصابوچوک تک جائے گی۔

بلیولائن ٹرین سے یومیہ2لاکھ50ہزارسے زائد مسافرسفری سہولیات حاصل کرسکیں گے،بلیو لائن پراجیکٹ کا تخمینہ لاگت 600 ارب سے زائد ہوسکتا ہے۔منصوبے کے لیے جدید ترین مشینری کا استعمال ہوگا۔

ٹنل کی کھدائی کے لیے ہیوی مشینری یومیہ 6 میٹر تک تعمیرات کرسکے گی۔ بلیو لائن کی فنانسنگ کیلئے چین، جاپان اور فرانس کی مالیاتی فرمز نے دلچسپی کا اظہارکیا ہے۔ پنجاب ٹرانسپورٹ نے 2016میں جاپانی ادارے جائیکا اور ترکش ادارے عثمانی کی مدد سے سٹڈی مکمل کی تھی۔

پنجاب حکومت نےدوبارہ جون2024میں ٹرانسپورٹ سٹڈی کرائی ،نتیجے میں بلیولائن روٹ ہی کوفزیبل قراردیا۔ بلیولائن کا روڈ پہلی سٹڈی میں بھی 12 کلومیٹر انڈر گراؤنڈ تھا ، اب مکمل طور پر انڈر گراؤنڈ ہوگا۔

Follow Lahore News on Facebook

Install our App