پنجاب حکومت عوام کی فلاح کو سامنے رکھتے ہوئے قانون بنا رہی ہے، ملک صہیب احمد
![](/lahorenewsimages/103415_33991398.jpg)
(لاہور نیوز) وزیرقانون پنجاب ملک صہیب احمد بھرتھ نے کہا ہے کہ پنجاب حکومت عوام کی فلاح اور وقت کے تقاضوں کو سامنے رکھتے ہوئے قانون بنا رہی ہے۔
اپنے ایک بیان میں وزیرقانون پنجاب ملک صہیب احمد بھرتھ کا کہنا تھا گزشتہ ایک سال میں نئی قانون سازی، ترامیم اور بلوں کی منظوری کی گئی، پنجاب سول سرونٹ ایکٹ میں ضروری ترامیم اور پولیس آرڈر میں ترامیم کی گئیں، پنجاب فنانس ایکٹ اور پنجاب صاف پانی اتھارٹی ایکٹ بھی منظور کیا گیا۔
ملک صہیب احمد بھرتھ نے بتایا گزشتہ ایک سال میں پنجاب انفورسمنٹ اینڈ ریکولیشن ایکٹ کو منظور کیا گیا، ان کے علاوہ 12 بلوں کو بھی پاس کروایا گیا ہے، پنجاب ڈیفمیشن ایکٹ کو منظور کیا گیا، پنجاب ایگری کلچر مارکیٹنگ ریکولیٹری اتھارٹی ایکٹ میں ترمیم کی گئی، پنجاب ہیلتھ کیئر کمیشن ایکٹ میں ترمیم کی گئی، پنجاب فنانس ایکٹ 2024 کو بھی منظور کیا گیا۔