26 Jan 2025
(لاہور نیوز) چیف الیکشن کمشنر اور ممبر سندھ اور بلوچستان کی مقررہ مدت ختم ہو گئی۔
ذرائع کے مطابق چیف الیکشن کمشنر سکندر سلطان راجہ نے اپنی تقرری کی پانچ سالہ مدت مکمل کر لی، ان کے ساتھ ممبر سندھ اور بلوچستان کی مقرر مدت بھی پوری ہو چکی ہے تاہم ذرائع نے بتایا ہے کہ چیف الیکشن کمشنر اور دونوں ممبران نئی تقرری تک کام جاری رکھیں گے۔
دوسری جانب الیکشن کمیشن کے ممبر پنجاب و خیبر پختونخوا کی بھی آدھی مدت مکمل ہو چکی ہے، یاد رہے کہ چیف الیکشن کمشنر اور دیگر ممبران کی تقرری کیلئے تاحال مشاورتی عمل شروع نہیں سکا ہے۔
