(لاہور نیوز) لاہور بار ایسوسی ایشن کے سالانہ انتخابات آج ہوں گے، 11 نشستوں پر 35 امیدوار آمنے سامنے ہیں۔

مجموعی طور پر 14ہزار712ووٹرز بائیو میٹرک سسٹم کے تحت ووٹ کاسٹ کرسکیں گے، صدر کی نشست پر چار امیدوار ایڈووکیٹ عرفان حیات باجوہ ،مبشر رحمان چودھری ، ادیب اسلم بھنڈر اور میاں فیض علی مدمقابل ہیں۔

نائب صدر لاہور بار کی سیٹ پر 6 امیدوار مدمقابل ہیں، نائب صدر کی نشست پر ساجد حسین بلوچ، ملک افضل بشیر ، ملک سیف کھوکھر، میاں شرجیل ،میاں طاہر منیر اور ہمایوں ظہیر بھٹی آمنے سامنے ہیں۔

نائب صدر ماڈل ٹاؤن کچہری کی سیٹ پر تین امیدوار مدمقابل ہیں، نائب صدر ماڈل ٹاؤن کچہری کی سیٹ پر آصف کنول خان ، اسلم بھلر اور وقاص کاہلوں کے درمیان کانٹے کا مقابلہ متوقع ہے، نائب صدر کینٹ کچہری کی سیٹ پر تین امیدوار افلاطون جکھڑ ، زاہد محمود گل اور عابد لطیف کھوکھر کے درمیان مقابلہ ہے۔

سیکرٹری لاہور بار کی سیٹ پر6 امیدوار مدمقابل آمنے سامنے ہیں، سیکرٹری لاہور بار کی سیٹ پر جنید حیدر انصاری، شعیب اشرف بھٹی، ملک شرجیل کھوکھر مدمقابل ہیں، سیکرٹری لاہور بار کی سیٹ پر ملک فہد نثار کھوکھر ، نصیر بھلہ اور وقار خان میں جوڑ پڑا ہے۔

جوائنٹ سیکرٹری کی سیٹ پر تین امیدواروں ثمینہ بسرا، حافظ شجاعت علی اور شکیل اسحاق خان میں کانٹے کا مقابلہ متوقع ہے، فنانس سیکرٹری کی نشست پر تین امیدوار اعجاز گجر، زوہیب خان اور ملک ندیم مدمقابل ہیں۔

لائبریری سیکرٹری کی نشست پر چار امیدوار ارشد چدھڑ ، ایم فریاد چودھری ، ثمینہ کھوکھر اور عدنان امجد بھٹی آمنے سامنے ہیں، پولنگ کا عمل صبح نو بجے سے شام پانچ بجے تک جاری رہے گا ۔ 

Subscribe Lahore News on YouTube

Install our App