فیصلہ کن ون ڈے: پاکستان کا زمبابوے کیخلاف ٹاس جیت کر بیٹنگ کا فیصلہ

11-28-2024

(لاہور نیوز) فیصلہ کن اور آخری ایک روزہ میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا ہے۔

دونوں ٹیموں کے درمیان میچ بلاوائیو میں کھیلا جا رہا ہے، میچ میں میزبان ٹیم پہلے باؤلنگ کر رہی ہے۔ ٹاس کے موقع پر قومی ٹیم کے کپتان نے کہا کہ ہم ینگ ٹیلنٹ کو موقع دے رہے ہیں تاکہ چیمپئنز ٹرافی میں مدد مل سکے، ٹیم میں کوئی تبدیلی نہیں کی گئی، میچ میں کامیابی کے ساتھ سیریز اپنے نام کرنا چاہتے ہیں۔ زمبابوے کے کپتان نے کہا کہ ہم ٹاس جیتتے تو پہلے باؤلنگ ہی کرتے، ہم سیریز جیتنے کی کوشش کریں گے، کوشش ہو گی پاکستان کی جلد وکٹیں لیکر پریشر میں لائیں۔ واضح رہے کہ دونوں ٹیموں کے درمیان تین میچز پر مشتمل ون ڈے سیریز ایک ایک سے برابر ہے اور آج کا میچ جیتنے والی ٹیم ٹرافی اٹھانے کی حق دار ٹھہرے گی۔ پاکستان کا سکواڈقومی سکواڈ میں کپتان محمد رضوان، صائم ایوب، عبداللہ شفیق، کامران غلام، طیب طاہر، سلمان علی آغا، محمد عرفان خان نیازی، عامر جمال، ابرار احمد، حارث رؤف اور فیصل اکرم شامل ہیں زمبابوے کی ٹیمزمبابوے کی پلیئنگ الیون کپتان کریگ ایروائن، برائن بینیٹ، جویلورڈ گمبی، ٹریور گوانڈو، توانداناشے مارومانی، برینڈن ماوتا، بلیسنگ مزاربانی، رچرڈ نگروا، ڈیون مائرز، سکندر رضا، شان ولیمز پر مشتمل ہے۔