آج کے حالات 8 فروری کے الیکشن کی وجہ سے ہیں: مولانا فضل الرحمان

11-27-2024

(ویب ڈیسک ) جمعیت علما اسلام کے سربراہ مولانا فضل الرحمان نے کہا ہے کہ آج کے حالات 8 فروری کے الیکشن کی وجہ سے ہیں، مسئلے کی اصل بنیاد ووٹ کی چوری ہے، الیکشن آئین کے مطابق ہونے چاہئیں۔

میڈیا سے گفتگو کرتے ہوئے مولانا فضل الرحمان  نے کہا کہ اس میں کوئی شک نہیں کارکن قیادت کیساتھ مخلص ہوتا ہے، کارکنوں کو صحیح لائن دینا لیڈر شپ کی کوالٹی ہوتی ہے، کسی پارٹی کے اندرونی معاملات زیر بحث نہیں لانا چاہتا، اسلام آباد میں پُرتشدد واقعات کی مذمت کرتا ہوں۔ انہوں نے کہا کہ پاکستان میں اس وقت کوئی حکومت نہیں، ملک میں سنجیدہ حکومتوں کا ہونا ضروری ہے، حکومت کہے جیل میں رکھنا ہے، آپ کہیں چھڑانا ہے تو نتیجہ انارکی کے سوا کچھ نہیں، کوئی مذاکرات کوئی بات چیت ہو تو راستہ نکل آتا ہے۔ سربراہ جے یو آئی کا کہنا تھا کہ پی ٹی آئی کو جلسے کی اجازت ہونی چاہئے، سنجیدگی کا مظاہرہ نہ کیا گیا توملکی حالات کنٹرول سے باہر ہوں گے۔