لاہور میٹرو بس آپریشن مکمل طور پر فعال کر دیا گیا

11-27-2024

(لاہور نیوز) چار روز بعد لاہور میٹرو بس آپریشن مکمل طور پر فعال کر دیا گیا۔

میٹرو بس سروس کو شاہدرہ سے گجومتہ تک چلایا جا رہا ہے، 23 نومبر ہفتے سے 26 نومبر منگل تک میٹرو بس آپریشن متاثر رہا۔ واضح رہے کہ پی ٹی آئی کی طرف سے احتجاج کی کال کے باعث لاہور کی میٹرو بس سروس متاثر ہوئی تھی، میٹروبس گجومتہ سے ایم اے او کالج تک چلائی جا رہی تھی، شہر کے داخلی اور خارجی راستوں کی بندش کے سبب میٹرو بس سروس کو محدود کیا گیا تھا، میٹرو بس ہفتے اور پیر کے روز محدود اور اتوار کو بند رکھی گئی تھی۔