پی ٹی آئی احتجاج: نئے نویلے جوڑے کا کنٹینر کے سامنے شوٹ مرکز نگاہ

11-25-2024

(لاہور نیوز) اسلام آباد میں نوبیاہتا جوڑا راستہ بند کرنے کے لئے لگائے گئے کنٹینرز کو فوٹو شوٹ کے لئے منتخب کر کے مرکز نگاہ بن گیا۔

ایک انسٹا گرام پیج پر دلہا اور دلہن کی کچھ تصاویر جاری کی گئیں ان کنٹینرز پر 804 کا ہندسے سپرے پینٹ سے لکھا ہوا ہے، اس فوٹو نے انٹرنیٹ صارفین کو اپنی جانب متوجہ کیا اور دیکھتے ہی دیکھتے یہ تصاویر وائرل ہو گئیں۔ ہر کوئی خصوصاً نئے شادی شدہ جوڑے فوٹو شوٹ کے لئے خوبصورت جگہ پسند کرتے ہیں تاکہ ان کے لئے یہ یاد رہے، ایسے موقع پر اس جوڑے نے کنٹینرز کا انتخاب کیا جو یقیناً ان کے لئے یادگار رہے گا کہ راستوں کی بندش کی وجہ سے لگے کنٹینرز کے سامنے فوٹو گرافی کی تھی۔ کنٹینرز پر 804 کا ہندسہ بھی سپرے پینٹ سے لکھا گیا تھا، یہاں فوٹو گرافر کو بھی داد دی جا رہی ہے کہ اس نے کس انداز میں ان کی تصاویر بنائیں، کئی صارف اس جوڑے کو زندہ دل قرار دے رہے ہیں، کچھ صارفین اسے ان کی زندگی کا بہترین فوٹو شوٹ قرار دیتے ہوئے نظر آئے، زیادہ صارف نے اس نئے جوڑے کے لئے نیک خواہشات کا اظہار کیا ہے۔ ان تصاویر کے پس منظر میں جذبہ جنون تو ہمت نہ ہار چل رہا ہے، ان تصاویر پر سوشل میڈیا پر صارفین اپنی اپنی رائے دے رہے ہیں، ایک صارف نے لکھا کہ یہ آپ کی زندگی کا لائف ٹائم ایونٹ ہے جسے لاک ڈاؤن نے ہیلو کہا، ایک اور صارف نے لکھا کہ جب آپ کو اپنے بڑے دن پر کوئی اور جگہ نہ ملے چونکہ سب بند تھا۔