پنجاب بھر کے 420 کالجز میں مستقل پرنسپلز کی تعیناتی التواء کا شکار

11-23-2024

(لاہور نیوز) لاہور سمیت پنجاب بھر کے 420 کالجز میں مستقل پرنسپلز کی تعیناتی التواء کا شکار ہے۔

6 ماہ پہلے کالجز میں مستقل پرنسپلز کی بھرتیوں کا شروع کیا جانے والا عمل مکمل نہ ہو سکا، مستقل پرنسپلز کیلئے درخواستیں جمع کرنے والے امیدواروں کے انٹرویوز تاحال شروع نہ ہو سکے، تمام عمل آن لائن ہونے کے باوجود تاخیر کا شکار ہے۔ محکمہ ہائر ایجوکیشن نے جولائی میں پرنسپلز کی تعیناتیوں کا عمل آن لائن شروع کیا، پورٹل کے ذریعے 420 کالجز کے لئے درخواستیں طلب کی گئیں، ہزاروں درخواستیں جمع ہونے کے باعث بھرتیوں کا طریقہ کار تبدیل کر دیا گیا۔