پی ٹی آئی احتجاج، میٹروبس سروس گجومتہ سے ایم اے او کالج تک محدود

11-23-2024

(لاہور نیوز) پی ٹی آئی کے احتجاج کے پیش نظر میٹروبس سروس کو مسافروں کیلئے محدود کر دیا گیا۔

مینجر آپریشنز عزیر شاہ کا کہنا ہے میٹروبس سروس گجومتہ سے ایم اے او کالج تک چلائی جا رہی ہے، آج میٹروبس سروس محدود ہی چلے گی، میٹروبس سروس کو محدود احتجاج کی کال کے باعث راستوں کی بندش کی وجہ سے کیا گیا ہے۔ واضح رہے کہ پی ٹی آئی کے 24 نومبر کے احتجاج کے پیش نظر صوبائی دارالحکومت لاہور کے تمام داخلی و خارجی راستے بند کر دیئے گئے ہیں، لاہور سے دیگر شہروں کو جانے والی موٹرویز کو بند کر دیا گیا ہے، پولیس کی بھاری نفری بھی تعینات کر دی گئی ہے۔