چیمپئنز ٹرافی سے متعلق محسن نقوی اور جے شاہ میں ٹیلیفونک رابطے کا امکان

11-22-2024

(ویب ڈیسک) چیمپئینز ٹرافی کے معاملے پر پاکستان کرکٹ بورڈاور بھارتی کرکٹ بورڈ سیکریٹری جے شاہ کے درمیان ٹیلیفونک گفتگو کا امکان ہے۔

  رپورٹس میں دعویٰ کیا گیا ہے کہ چیمپئنز ٹرافی کے معاملے پر دونوں بورڈز کے درمیان بات چیت ہوسکتی ہے، بی سی سی آئی کے سیکریٹری جے شاہ اِن دنوں آئی سی سی ہیڈکواٹرز کے دورے پر ہیں جہاں وہ انٹرنیشنل کرکٹ کونسل کے اعلیٰ حکام سے ملاقات کریں گے۔رپورٹس میں کہا گیا ہے کہ دونوں اعلیٰ بورڈ عہدیداروں کے درمیان گفتگو کے بعد ٹورنامنٹ کے شیڈول، بھارتی ٹیم آمد اور ہائبرڈ ماڈل پر بات چیت ہوسکتی ہے۔