سرکاری ریٹ لسٹ میں 6 سبزیاں اور 2 پھل مزید مہنگے

11-21-2024

(لاہور نیوز) مہنگائی کی چکی میں پسے عوام کو کہیں ریلیف نہ مل سکا۔

سرکاری ریٹ لسٹ میں آج 6 سبزیاں اور 2 پھل مزید مہنگے کر دیئے گئے، دوسری جانب انتظامیہ گراں فروشی پر قابو پانے میں بھی ناکام ہے۔ مارکیٹ میں ٹماٹر 165 کے بجائے 290 روپے کلو تک فروخت ہو رہا ہے، لہسن 660 کے بجائے 780 روپے، ادرک 510 کے بجائے 620 روپے کلو بیچا جا رہا ہے۔ پھلوں میں کیلا درجہ اول 150 روپے، درجہ دوم 120 روپے درجن فروخت ہو رہا ہے، سیب کالا کولو 320 روپے ، امرود 150 روپے، انار بدانہ 780 روپے، انگور سندر خانی 315 روپے بیچا جا رہا ہے۔