لیسکو کا بجلی چوروں کیخلاف آپریشن، 40 ملزمان گرفتار

11-19-2024

(لاہور نیوز) لیسکو نے بجلی چوروں کیخلاف آپریشن کرتے ہوئے 40 ملزمان کو گرفتار کر لیا۔

بجلی چوروں کیخلاف آپریشن میں لیسکو  نے 24 گھنٹوں میں 511 مقامات سے بجلی چوری پکڑی، لیسکو  نے 177 مقدمات درج کر کے 40 ملزمان گرفتار کئے۔ پکڑے جانیوالے کنکشنز میں 16 کمرشل، 3 زرعی، 1 انڈسٹریل اور 491 گھریلو شامل ہیں۔ لیسکو  نے تمام غیرقانونی کنکشنز منقطع کرکے 3 لاکھ 91 ہزار 168 یونٹس ڈیٹیکشن بل کی مد میں چارج کئے۔