بابراعظم نے ٹی ٹوئنٹی رنز میں ویرات کوہلی کو پیچھے چھوڑ دیا

11-18-2024

(ویب ڈیسک)قومی کرکٹ ٹیم کے سابق کپتان بابر اعظم نے ٹی ٹوئنٹی انٹرنیشنل میں سب سے زیادہ رنز بنانے والوں کی فہرست میں بھارت کے بلے باز ویرات کوہلی سے دوسری پوزیشن چھین لی۔

رپورٹ کےمطابق پاکستانی بیٹر نے یہ کارنامہ ہوبارٹ میں آسٹریلیا کے خلاف کھیلے گئے ٹی ٹوئنٹی سیریز کے تیسرے اور آخری میچ میں 41 رنز کی اننگ کھیل کر انجام دیا۔فہرست میں پہلا نمبر بھارت کے ٹی ٹوئنٹی کے سابق کپتان روہت شرماکے پاس ہے۔ 41 رنز کی اننگ کے بعد بابر اعظم  4192 کےمجموعی رنز کے ساتھ دوسرے نمبر جبکہ ویرات کوہلی 4188 رنز کے ساتھ تیسرے نمبر پر چلے گئے ہیں۔ مزید برآں بابر اعظم کو فہرست میں پہلی پوزیشن کے لیے کے لیے 40 رنز درکار ہیں۔واضح رہے آئی سی سی ٹی 20 ورلڈ کپ 2024 جیتنے کے بعد روہت شرما اور ویرات کوہلی نے فارمیٹ سے ریٹائرمنٹ کا اعلان کر دیا تھا۔