عدنان صدیقی کی برطانوی شاہ چارلس سے ملاقات، اداکار کی تصویر سوشل میڈیا پر وائرل

11-15-2024

(ویب ڈیسک) پاکستانی شوبز انڈسٹری کے معروف اداکار عدنان صدیقی کو برطانوی شاہ چارلس سوم سے ملاقات کا اعزاز حاصل ہوا جس کی تصاویر سوشل میڈیا پر وائرل ہوگئیں۔

تفصیلات کےمطابق بکنگھم پیلس میں ہونے والی اس ملاقات  کی تصاویر عدنان صدیقی نے سوشل میڈیا پر اپنے مداحوں کے ساتھ شیئر کیں اور مداحوں کو کنگ چارلس کے بارے میں اپنے خیالات سے آگاہ کیا۔انسٹاگرام پر شیئر کی گئی تصاویر میں عدنان صدیقی اور شاہ چارلس سوم کو خوشگوار موڈ میں گفتگو کرتے ہوئے دیکھا جا سکتا ہے۔عدنان نے کیپشن میں لکھا کہ یہ گفتگو مختصر مگر پرجوش تھی، جیسے پلک جھپکتے ہی دو مختلف دنیا ایک دوسرے سے مل رہی ہوں۔   عدنان کا کہنا تھا کہ شاہ چارلس سوم میں لوگوں کو پُرسکون کرنے کی خاص صلاحیت تھی، جو ان کے ذہن پر دیرپا اثر چھوڑ گئی۔ نہوں نے انسٹا اسٹوری میں بکنگھم پیلس کی تقریب کا دعوت نامہ بھی شیئر کیا۔واضح رہےکہ یہ تقریب شاہ اور ملکہ کی جانب سے فلم اور ٹیلی ویژن انڈسٹری میں نمایاں خدمات انجام دینے والی شخصیات کے اعزاز میں منعقد کی گئی تھی، جس میں عدنان صدیقی کو بھی مدعو کیا گیا تھا۔