آسٹریلیا کیخلاف پہلے میچ میں محمد رضوان کی ایسی غلطی سامنے آگئی جو دوران کھیل امپائر نہ دیکھ سکے

11-15-2024

(ویب ڈیسک) پاکستان اور آسٹریلیا کے درمیان شیڈول سیریز کے پہلے ٹی20 میچ میں قومی ٹیم کے کپتان محمد رضوان نے بڑی غلطی کی لیکن امپائرز کی نظروں سے اوجھل رہی۔

برسبین کے گابا کرکٹ اسٹیڈیم میں کھیلے گئے بارش سے متاثرہ میچ میں آسٹریلیا نے پاکستان کو 29 رنز سے شکست دیکر سیریز میں 0-1 کی برتری حاصل کی۔یہ میچ بارش کی وجہ سے 7، 7 اوورز تک محدود کردیا گیا تھا، جس کے مطابق 2 باولرز محض دو دو اوورز کروانے کے مجاز تھے جبکہ تین باولرز کو بقیہ 3 اوورز کروانے تھے۔ تاہم کپتان محمد رضوان نے ایک بڑی غلطی کرتے ہوئے 3  فاسٹ باولر شاہین، نسیم اور حارث سے 2، 2 اوورز کروا ڈالے،تاہم فیلڈ اور تھرڈ امپائرز نے دھیان نہ دیا اور وہ پنلٹی سے بچ گئے۔