بابا گرو نانک کے 555 ویں جنم دن کی تقریبات، سیف سٹی کے انتظامات مکمل

11-15-2024

(لاہور نیوز) بابا گرو نانک کے 555 ویں جنم دن کی تقریبات کے موقع پر سیف سٹی نے انتظامات مکمل کر رکھے ہیں۔

لاہور سیف سٹیز ہیڈکوارٹر سے ننکانہ صاحب سیف سٹی کیمروں کی سینٹرلائز مانیٹرنگ جاری ہے، ننکانہ صاحب سیف سٹی سینٹر سے 7 بڑے گردواروں کی کیمروں سے سرویلنس کی جا رہی ہے، گردواروں اور سکھ یاتریوں کی سکیورٹی کیلئے 145 سے زائد کیمروں سے مانیٹرنگ جاری ہے، پولیس کمیونیکیشن افسران اور قانون نافذ کرنے والے ادارے 24/7 ڈیوٹی سر انجام دے رہے ہیں۔ ترجمان سیف سٹیز کا کہنا ہے کہ سکھ یاتریوں کو ننکانہ صاحب میں 5 مختلف مقامات پر وزیراعلیٰ مریم نواز "فری وائی فائی" کی سہولت بھی فراہم کی گئی ہے، ننکانہ صاحب پولیس کو موبائل ویڈیو سرویلنس کیلئے 30 جدید ہینڈ سیٹ فراہم کئے گئے ہیں۔ ترجمان نے مزید بتایا کہ مرکزی گردوارے کے داخلی و خارجی راستوں سمیت 2 کلومیٹر ریڈیس تک کمیونیکیشن چینل تیار کیا گیا ہے، سیف سٹی کی ٹیکنیکل اور مانیٹرنگ ٹیم گراؤنڈ فورس کی مدد کیلئے ہمہ وقت موجود ہے۔