اے این ایف کی کارروائیاں ، منشیات برآمد، 4 ملزمان گرفتار

11-14-2024

(لاہور نیوز) اینٹی نارکوٹکس فورس (اے این ایف) نے 6 کارروائیوں میں 41.232 کلو گرام منشیات برآمد کر لی جبکہ 4 ملزمان گرفتار کر لئے گئے۔

ترجمان اے این ایف کے مطابق یہ کارروائیاں کراچی ، لاہور، پشاور اور راولپنڈی میں کی گئیں ، کارروائی میں 35 کلو 800 گرام چرس ، 4 کلو 800 گرام افیون برآمد کر لی گئی۔ ترجمان  نے مزید بتایا کہ کارروائی کے دوران 584 گرام ہیروئن، 48 گرام ویڈ برآمد کی گئی جبکہ گرفتار ملزم  نے تعلیمی اداروں کے طلباء کو منشیات فروخت کرنے کا اعتراف کیا ہے۔ ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔