پاکستان اور بھارت میں سرحد نہ ہوتی تو ہمارے اداکاروہاں چھائے ہوتے،بشریٰ انصاری

11-13-2024

(ویب ڈیسک) سینئر اداکارہ بشریٰ انصاری نے کہا ہے کہ اگر پاکستان اور بھارتکے درمیان سرحد نہ ہوتی تو ہمارے اداکار وہاں پر چھائے ہوتے۔

تفصیلات کےمطابق بشریٰ انصاری نے سوشل میڈیا پر ایک ویڈیو شیئر کی ہے جس میں انہوں نے حالیہ ڈرامہ ’کبھی میں کبھی تم‘ کی کامیابی اور اداکاروں پر بات کی۔ویڈیو میں اداکارہ کا کہنا تھا کہ ہمارے ڈرامے کو بھارت میں بھی بہت دیکھا اور پسند کیا گیا ہمارے بچے تو وہاں ہٹ ہوچکے ہیں، اگر پاکستان اور بھارت کے درمیان سرحد نہ ہوتی یہ جھگڑے نہ ہوتے تو آج ہمارے نواجون اداکار بھارت میں چھائے ہوتے۔بشریٰ انصاری کا کہنا تھا کہ لوگوں کو کانٹینٹ اگر اچھا دیا جائے تو وہ ضرور پسند کرتے ہیں اس سے کوئی فرق نہیں پڑتا چاہے بولڈ کپڑے پہنے جائیں یا سادہ۔