مرد کے پاس پیسہ اور تمیز ہے تو 4 شادیاں کر لے: حرا سومرو

11-13-2024

(لاہور نیوز) پاکستان شوبز انڈسٹری کی معروف اداکارہ حرا سومرو نے کہا ہے کہ اگر مرد کے پاس پیسہ اور تمیز ہے تو 4 شادیاں کر لے۔

حال ہی میں اداکارہ حرا سومرو نےایک پوڈکاسٹ میں گفتگو کرتے ہوئے مردوں کے دوسری شادی کے حق کے بارے میں اپنی رائے کا اظہار کیا۔ان کا کہنا تھا کہ اگر کوئی مرد اپنی بیوی کی جذباتی اور مالی ضروریات کو پورا کر رہا ہے اور دوسری شادی کا ارادہ رکھتا ہے تو عورت کو اس پر اعتراض نہیں ہونا چاہیے۔ اداکارہ کے مطابق عورت کو کسی بھی طرح سے مرد پر انحصار نہیں کرنا چاہیے اور اگر وہ چار شادیوں کا ارادہ رکھتا ہے تو اسے اس کی پرواہ نہیں کرنی چاہیے۔حرا سومرو نے مزید کہا کہ اگر ان کا اپنا شوہر دوسری شادی کرنے کا فیصلہ کرتا ہے اور ان کی اور بچوں کی ضروریات کو سمجھ کر انہیں پورا کرتا ہے تو انہیں اس فیصلے پر کوئی اعتراض یا دکھ محسوس نہیں ہوگا کیونکہ ان کا شوہر ان کی دیکھ بھال کر رہا ہے اور اگر اسلام اسے 4 شادیوں کی اجازت دیتا ہے تو بیویاں نہیں روک سکتیں۔