لاہور میں پولیس مقابلہ: بدنام زمانہ اجرتی قاتل اعظم خان ہلاک

11-13-2024

(لاہور نیوز) لاہور میں آرگنائزڈ کرائم یونٹ کے ساتھ مقابلے میں بدنام زمانہ اجرتی قاتل ہلاک ہو گیا۔

پولیس حکام کے مطابق شوٹر اعظم خان کو آلہ قتل کی برآمدگی کیلئے لے جایا جارہا تھا کے ملزم کے ساتھیوں نے اندھا دھند فائرنگ شروع کر دی، دو طرفہ فائرنگ کے دوران ملزم اپنے ہی ساتھیوں کی فائرنگ سے ہلاک ہو گیا۔ پولیس حکام  نے مزید بتایا کہ ہلاک ملزم قتل اور اقدام قتل جیسی سنگین وارداتوں میں ریکارڈ یافتہ تھا، ملزم کے ساتھیوں کو پکڑنے کیلئے کارروائی شروع کر دی گئی۔