تعلقات بہتر کرنیکی ضرورت، بھارتی کرکٹ ٹیم کو پاکستان آنا چاہیے تھا، نواز شریف

11-12-2024

(لاہور نیوز) سابق وزیراعظم اور صدر مسلم لیگ ن میاں محمد نواز شریف نے کہا کہ چیمپئنز ٹرافی کیلئے بھارتی کرکٹ ٹیم کو پاکستان آنا چاہیے تھا۔

سابق وزیر اعظم اور صدر مسلم لیگ ن میاں نواز شریف نے کہا کہ بھارت کے ساتھ ماضی کے تعلقات کو سدھارنے کی ضرورت ہے، اچھی بات ہوتی کہ بھارتی ٹیم پاکستان آکر کھیلتی، امید ہے جلد ایسا وقت آئے گا۔ پاکستان کے ہر ملک کے ساتھ اچھے تعلقات ہونے چاہئیں، شہباز شریف معیشت کی بحالی کیلئے اچھے اقدامات کر رہے ہیں، پاکستان میں مہنگائی مسلسل نیچے آ رہی ہے، انہوں نے مزید کہا کہ افسوس ناک ہے کہ ایک پارٹی  نے بدتمیزی کے کلچر کی بنیاد رکھی، گاڑیوں کے پیچھے بھاگنا اور تعاقب کرنا، ٹماٹر انڈے پھینکنا افسوناک ہے۔ نواز شریف نے مزید کہا کہ اگر آپ کی قسمت میں احتجاج لکھا ہے تو اچھے طریقے سے کریں، نوجوان لڑکوں کو لگایا ہے کہ گاڑیوں کے پیچھے بھاگو اور گندے نعرے لگاؤ۔