آسٹریلیا میں 22 سال بعد شاہینوں کی شاندار پر فتح پر راشد لطیف کا ردعمل بھی سامنے آگیا

11-11-2024

(ویب ڈیسک) قومی کرکٹ ٹیم کے سابق کھلاڑی راشد لطیف کا کہنا ہے کہ کپتان اچھا مل جائے تو ٹیم گراؤنڈ میں پرفارم کرتی ہے۔

تفصیلات کےمطابق اپنے ایک بیان میں آسٹریلیا میں 22 سال بعد پاکستان ٹیم کی جانب سے ون ڈے سیریز جیتنے پر راشد لطیف  کا کہنا تھا کہ  کہ اس جیت میں کئی چیزوں کا کردار تھا۔ جب کپتان اچھا مل جائے تو ڈریسنگ روم میں ٹیم بن کر جاتی اور گراؤنڈ میں پرفارم کرتی اور ہمیں یہ چیز نظر آرہی ہے۔ انہوں نے کہا کہ اس جیت میں کپتانی، کھلاڑیوں کی سلیکشن اور پچز کی کنڈیشن سب کا عمل دخل رہا۔راشد لطیف کا کہناتھا کہ باولرز اور بیٹرز نے توقعات سے بڑھ کر پرفارم کیا، آسٹریلوی کھلاڑی جو وہاں کی پچز کو جانتے تھے انہیں آؤٹ کرنا اور ان کے خلاف اچھی بیٹنگ کرنا پاکستان کی کرکٹ کے لیے خوش آئند ہے۔