حمزہ علی عباسی خود کو کیسا مسلمان سمجھتے ہیں؟اداکار نے دل کی بات بیان کردی

11-11-2024

(ویب ڈیسک)پاکستان کے معروف اداکار حمزہ علی عباسی نے کہاہے کہ وہ پیدائشی نہیں بلکہ شعوری مسلمان ہیں۔

تفصیلات کے مطابق اپنے ایک انٹرویو میں حمزہ علی عباسی نے اپنی ذاتی زندگی پر کھل کر بات کی۔ایک سوال کے جواب میں انہوں نے کہا کہ وہ اپنے آپ کو پیدائشی مسلمان نہیں سمجھتے بلکہ شعوری مسلمان سمجھتے ہیں اور وہ دین کو سمجھ کر اس پر عمل کرنے کی کوشش کرتے ہیں۔ اداکار کا کہنا تھا کہ اگرچہ وہ ایک مسلمان گھرانے میں پیدا ہوئے لیکن ان کی موجودہ زندگی ان کے اپنے شعوری فیصلے کا نتیجہ ہےاور انہوں نے مختلف مذاہب کا مطالعہ کرنے کے بعد اسلام کا انتخاب کیا ہے۔