جگن کاظم نے اے ایس پی شہر بانو کا ہاتھ کیوں چوما؟اداکارہ نے وجہ بتا دی

11-11-2024

(ویب ڈیسک)معروف اداکارہ و میزبان جگن کاظم نے اپنے پروگرام میں اے ایس پی شہربانوکا ہاتھ چومنے کی وجہ بیان کردی۔

تفصیلات کے مطابق حال ہی میں اداکارہ جگن کاظم ایک پوڈکاسٹ میں شریک ہوئیں جہاں انہوں نے کئی موضوعات پر اپنی رائے کا اظہار کیا۔میزبان نے اداکارہ سے سوال کیا کہ ان کے پروگرام سے ایک ویڈیو وائرل ہوئی تھی جس میں انہیں  شہربانو کا ہاتھ چومتے دیکھا گیا تھا۔وہ کیا معاملہ تھا ؟ آپ نے اے ایس پی شہربانو کا ہاتھ کا بوسہ کیوں لیا تھا؟ جس پر جگن کاظم نے انکشاف کیا کہ وہ اپنے پہلے ریلیشن (شادی) میں بہت مار کھاچکی ہیں اور اے ایس پی نے ایسے لوگوں کیلئے ایکشن لیا اس لئے انہوں نے اے ایس پی شہر بانو کا ان کے پروگرام میں آنے پر ہاتھ کا بوسہ لیا۔واضح رہے کہ میزبان جگن کاظم کے پروگرام کی ویڈیو سوشل میڈیا پر وائرل ہوئی تھی جس میں ان کو اے ایس پی شہر بانو کے ہاتھ کا بوسہ لینے پر سوشل میڈیا صارفین کی جانب سے تنقید کا نشانہ بنایا گیا تھا۔