رکشہ ڈرائیور کی چالان سے تنگ آ کر خودکشی کی کوشش
11-09-2024
(لاہور نیوز) رکشہ ڈرائیور نے چالان سے تنگ آ کر خودکشی کی کوشش کی۔
رکشہ ڈرائیور نے پٹرول چھڑک کر خود کو آگ لگا لی، رکشہ ڈرائیور نے ٹریفک پولیس کے چالان سے تنگ آ کر خودکشی کی کوشش کی، زخمی رکشہ ڈرائیور کو ہسپتال منتقل کر دیا گیا۔ ترجمان ٹریفک پولیس کے مطابق رکشہ ڈرائیور نے ڈیوٹی پر موجود ٹریفک اسسٹنٹ کو بھی جلانے کی کوشش کی، رکشہ ڈرائیور خود کو آگ لگا کر ٹریفک اسسٹنٹ سے لپٹ گیا، ٹریفک اسسٹنٹ نے اپنی جان پر کھیلتے ہوئے رکشہ ڈرائیور کو بچا لیا، خود بھی شدید جھلس گیا۔ ترجمان ٹریفک پولیس نے بتایا طبی امداد کیلئے ٹریفک اسسٹنٹ اور رکشہ ڈرائیور کو ہسپتال پہنچا دیا گیا، ٹریفک اسسٹنٹ وقار نے متعدد بار رکشوں کو نوپارکنگ زون سے ہٹنے کا کہا، ماسوائے ایک ڈرائیور کے تمام رکشہ ڈرائیور نے اپنے رکشے ہٹا لئے، پیرمکی کے قریب رکشہ ڈرائیورز کو مناسب پارکنگ فراہم کی گئی ہے۔